Ölkə

“Azercell” xidmətlərini 50 faiz bahalaşdırdı - SİYAHI

15 Dekabr 2025 17:29
Baxış: 16 823
VTB-də minimal faiz dərəcəsi ilə nağd kredit 9.9%-dən

"Azercell" bəzi kredit əsaslı xidmətləri üzrə yeni xidmət haqlarını müəyyənləşdirib.

Milli.Az xəbər verir ki, bu barədə şirkətin yaydığı rəsmi məlumatda qeyd olunub.

Bildirilib ki, "Azercell Telekom" MMC tərəfindən təqdim edilən xidmətlərin keyfiyyətinin artırılması, həmçinin müştərilərə təklif olunan tarif və xidmətlərin daha səmərəli şəkildə tənzimlənməsi məqsədilə 13 yanvar 2026-cı il tarixindən etibarən Simkredit və əlaqəli xidmətlər üzrə yeni ödəniş mexanizmi qüvvəyə minəcək.

Yeni qaydalara əsasən, 1 AZN məbləğində Simkredit üçün 0,30 AZN, 2 AZN Simkredit üçün 0,60 AZN, eləcə də 2 AZN-lik Simtaksit xidməti üçün 0,60 AZN xidmət haqqı tətbiq ediləcək. Bundan başqa, Ekstra kredit və İnternet kredit xidmətləri daxil olmaqla, "Simkredit" və "Simtaksit" çərçivəsində həyata keçirilən hər bir sorğuya görə 0,12 AZN ödəniş tutulacaq.

Qeyd edək ki, bu dəyişikliklər əvvəlki tariflərlə müqayisədə nəzərəçarpacaq artım deməkdir. Belə ki, əvvəl 1 AZN kredit üçün 0,20 AZN, 2 AZN kredit üzrə 0,40 AZN, 3 AZN kredit üçün isə 0,60 AZN servis haqqı tutulurdu. Bu da müqayisədə 50% artım deməkdir.

Şirkət vurğulayıb ki, bu dəyişikliklər göstərilən xidmətlərin davamlı inkişafını təmin etmək və müştəri məmnuniyyətini daha da yüksəltmək məqsədi daşıyır./Sfera.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.