Dünya

KİV: ABŞ Çinin neft şirkətini sanksiya siyahısına salmağa hazırlaşır

30 Noyabr 2020 22:30
Baxış: 562

Tramp administrasiyasının Çinin çip istehsalçısı "SMIC" şirkəti və "CNOOC" neft şirkətinin ordu ilə əlaqələri olduğu səbəbindən sanksiya siyahısına salmağa hazırlaşdığı bildirilir.

Milli.Az AZƏRTAC-a istinadən bildirir ki, bu çərçivədə "China Construction Technology Co. Ltd." və "China International Engineering Consulting Corp." şirkətləri də nəzərdən keçirilir və ABŞ-ın ümumilikdə 35 Çin şirkətini sanksiya siyahısına salacağı qeyd olunur.

Bu xəbərlərdən sonra "CNOOC" neft şirkətinin səhmlərinin dəyəri Honkonq birjasında 9 faizdən çox geriləyib. "CNOOC"un törəmə şirkəti olan "China Oilfield"in səhmləri də 11 faiz dəyər itirib.

Qeyd edək ki, ABŞ Prezidenti Donald Tramp səlahiyyət müddətinin son günlərində Çinə qarşı təzyiqləri artırmaqda davam edir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.