Dünya

Kanada və Britaniya XİN rəhbərləri Dağlıq Qarabağda dərhal atəşkəsə çağırdılar

29 Sentyabr 2020 07:45
Baxış: 830

Kanada və Böyük Britaniya xarici işlər nazirləri Fransua-Filipp Şampan və Dominik Raab Azərbaycanın Dağlıq Qarabağ bölgəsindəki son hadisələrlə əlaqədar birgə bəyanat yayıblar.

Milli.Az Trend-ə istinadən bildirir ki, bəyanatda deyilir:

"Kanada və Böyük Britaniya Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlar barədə xəbərlərdən çox narahatdırlar. Yaşayış məntəqələrinin atəşə tutulması və mülki vətəndaşlar arasında itkilərin olması barədə məlumatlar dərin narahatlıq doğurur. Hərbi əməliyyatların dərhal dayandırılmasına, atəşkəsə əməl olunmasına və mülki şəxslərin qorunmasına çağırırıq. Dağlıq Qarabağdakı münaqişənin istənilən həlli zorakılığın qəbul edilməməsi prinsipinə əsaslanmalı və ATƏT-in Minsk Qrupu tərəfindən müəyyən edilmiş çərçivədə danışıqlar və sülh yolu ilə həll edilməlidir. Biz ATƏT-in Minsk Qrupunun işini və həmsədrlərin dünənki bəyanatını tam dəstəkləyirik".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.