Dünya

ABŞ-da 33 nəfər meşə yanğınlarının qurbanı olub

14 Sentyabr 2020 08:40
Baxış: 667
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ

ABŞ-ın qərbində meşə yanğınlarının qurbanlarının sayı 33 nəfərə çatıb.

Trend-in TASS-a istinadən verdiyi məlumata görə, ən çətin vəziyyət Oreqon və Kalifornia ştatlarında qalır, burada yanğınlarda 10 və 22 nəfər ölüb. Onların əksəriyyəti son bir neçə gündə həlak olub.

Aydahoda yerləşən Milli İdarələrarası Yanğın Mərkəzinin verdiyi məlumata görə, ümumilikdə, qərbi Amerika əyalətlərində 94 meşə yanğını davam edir və bəziləri ərazilərində rekord həddə çatıb. Onların ümumi sahəsi təqribən 1,9 milyon hektardır. Yanğının söndürülməsində 30 mindən çox yanğınsöndürən iştirak edir.

Ağ Evin Mətbuat Katibinin müavini Cadd Dir ölkə Prezidenti Donald Trampın 14 sentyabrda meşə yanğınları vəziyyəti ilə əlaqədar yerli hakimiyyət orqanlarının hesabatını dinləmək üçün Kaliforniyaya gedəcəyini açıqlayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.