Dünya

Yaponiyada koronavirusla əlaqədar ölkə sakinlərinə kömək məqsədilə vəsaitin ödənilməsinə başlanılıb

29 May 2020 00:45
Baxış: 904

Yaponiya regionlarının əksəriyyətində vətəndaşlara kömək məqsədilə hər bir sakinə 100 min yen (təqribən 930 dollar) məbləğində vəsaitin ödənilməsinə başlanılıb.

Milli.Az AZƏRTAC-a istinadən xəbər verir ki, bunu Milli İşlər naziri xanım Sanae Takaiçi bildirib.

Nazir qeyd edib ki, mayın 25-dən Yaponiyanın 1388 inzibati vahidindən 1741-də həmin vəsaitin sakinlərə ödənilməsinə başlanılıb. Mayın 26-dan isə digər yerlərdə də bu ödəniş həyata keçiriləcək.

Xatırladaq ki, koronavirus pandemiyasına qarşı mübarizə ilə əlaqədar Yaponiyanın hər bir sakininə 100 min yen məbləğində vəsaitin ödənilməsi barədə qərar aprelin sonlarında qəbul olunub. Əlavə büdcə tədbirləri ilə bağlı qəbul edilən paketdə bunun üçün 8,89 trilyon yen (83 milyard dollar) ayrılması nəzərdə tutulur.

Qeyd edək ki, Yaponiya hökuməti əvvəlcə ehtiyacı olan hər bir ailə təsərrüfatına 300 min yen vəsait ödənilməsini planlaşdırırdı. Lakin sonradan əhalinin daha yaxşı təmin olunmuş hissəsinin bu vəsaitdən imtina edəcəyi nəzərə alınaraq, onun hamıya verilməsi barədə qərar qəbul edilib.

Bildirilir ki, məsələn, başda Baş Nazir Şinzo Abe olmaqla Nazirlər Kabinetinin bütün üzvləri, həmçinin nazirlər və onların müavinləri həmin vəsaiti almaq üçün müraciət etməyəcəklərini deyiblər.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.