Dünya

Qədim Buxara şəhəri bu il İslam mədəniyyətinin paytaxtı seçiləcək

19 Fevral 2020 23:45
0 Şərh     Baxış: 1 384
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qədim Buxara şəhərinin İslam mədəniyyətinin 2020-ci il üçün paytaxt şəhəri seçilməsi nəzərdə tutulur.

Milli.Az AZƏRTAC-a istinadən bildirir ki, bununla bağlı İslam Dünyası Təhsil, Elm və Mədəniyyət Təşkilatının (İSESKO) yüksək səviyyəli nümayəndəsi Rixati Salix Najibin rəhbərliyi ilə nümayəndə heyəti Özbəkistanda səfərdədir.

Nümayəndə heyətinin Özbəkistan Mədəniyyət nazirinin müavini Kamola Akilova və Daşkənddəki İslam Sivilizasiyası Mərkəzinin rəhbəri Şoazim Minavarovla görüşündə Buxara şəhərinin rəsmi olaraq İslam mədəniyyətinin paytaxtı elan olunması ilə bağlı təşkilati məsələlər müzakirə olunub. Bildirilib ki, bu ilin aprelin 14-də Buxara şəhəri İslam mədəniyyətinin paytaxtı elan olunacaq və bununla bağlı təntənəli açılış mərasimində İSESKO Baş direktorunun iştirakı gözlənilir.
Kamola Akilova əlavə edib ki, tədbirlər çərçivəsində Səmərqənd və Buxara şəhərlərində elmi-praktik konfransın keçiriləcəyi nəzərdə tutulur. O deyib ki, qonaqlar bu qədim şəhərlərin təkrarsız abidələri ilə də yaxından tanış olacaqlar.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.