Dünya

İraqda daha 10 nümayişçi öldürülüb

9 Noyabr 2019 19:43
0 Şərh     Baxış: 683
VTB-də minimal faiz dərəcəsi ilə nağd kredit 9.9%-dən
#DÜNYADA

İraqın təhlükəsizlik qüvvələri paytaxt Bağdadda azı 6, Bəsrədə isə 4 etirazçını güllələyib. Hökumətə qarşı etirazlar səngimək bilmir. Etirazçılar siyasi elitanın istefasını tələb edir.

Cümə axşamı günü Bağdadda barrikadaları dağıdıb şəhərin mərkəzinə yürüş etmək istəyən nümayişçilərdən 4-ü güllə atəşi nəticəsində həlak olub.

Etirazçılar hökumət binaları və xarici səfirliklərin yerləşdiyi Yaşıl Zonaya getməyə cəhd edib.

Qarşıdurma zamanı daha 24 nümayişçi xəsarət alıb. Təhlükəsizlik və səhiyyə rəsmilərinin bildirdiyinə görə, qüvvələr etirazçılara qarşı güllələrdən və gözyaşardıcı qazdan istifadə edib.

Aksiya iştirakçıları Dəclə çayının mərkəz sahilinə aparan iki körpüdəki barrikadaları dağıdıb.

Hazırda Yaşıl Zonaya gedən bütün körpülər bağlıdır. Bölgəyə əlavə qüvvələr yerləşdirildiyi bildirilir.

Rəsmilərin heç biri qaydalara uyğun olaraq adlarının açıqlanmasını istəməyib.

Oktyabrın əvvəlindən başlayan nümayişlər korrupsiya, iqtisadi durğunluq və keyfiyyətsiz dövlət xidmətlərinə qəzəbdən qaynaqlanır.

Ötən cümə günü İraqın şiə dini qurumu hökumət əleyhinə bir aydır davam edən dinc nümayişlər zamanı təhlükəsizlik qüvvələrinin etirazçılara qarşı azı 250-dən çox adamın ölümü ilə nəticələnən hücumlarını qınayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.