Dünya

Dünyanın sonunu gözləyərək illərdir zirzəmidə yaşayıblar - FOTO

18 Oktyabr 2019 20:10
0 Şərh     Baxış: 1 151

Niderlandın şimal-şərqində yerləşən Drente əyalətində 6 nəfərlik ailə illərdir dünyanın sonunun gələcəyini gözləyərək zirzəmidə yaşayır.

Milli.Az qafqazinfo-ya istinadən xəbər verir ki,ailənin tapılması isə təsadüfən baş verib. Belə ki, oktyabrın əvvəlində 25 yaşlı gənc əyalətdəki barların birinə gələrək pivə istəyib. 2 həftə sonra yenidən bara gələn oğlan qeyri-adi görünüşü, dağınıq saçları, kirli üst-başı ilə məkan sahibinin diqqətini çəkib. Oğlanla söhbət edən bar sahibi onun hər dəfə yaxınlıqdakı fermanın zirzəmisindən qaçaraq bura gəldiyini və köməyə ehtiyacı olduğunu öyrənir.

Məlum olub ki, həmin gənc balaca qardaş-bacıları ilə birlikdə heç vaxt məktəbə getməyib. Məkanı işlədən şəxs dərhal polisə müraciət edib.

Fermaya gedən hüquq-mühafizə orqanlarının əməkdaşları şkaflardan birinin arxasında zirzəmiyə düşən gizli pilləkənin olduğunu görüblər. Otağa daxil olan polis orada 58 yaşlı Jozef adlı kişini, 16-25 yaşlı 5 nəfəri tapıb. Xarici aləmlə heç vaxt əlaqəsi olmayan həmin insanlar özlərinə zirzəmidə təsərrüfat da qurublar.

Polis Jozefin uşaqların atası olub-olmadığını aydınlaşdırmağa çalışır. Ehtimal edilir ki, uşaqların anası dünyasını dəyişib və onun məzarı da zirzəmidədir.

Qonşuların sözlərinə görə, onlar "Volvo" avtomobili sürən və alman dilində danışan Jozefi illər əvvəl "avstriyalı" ləqəbi ilə tanıyıblar. Ferma sahibləri illərdir zirzəmidə baş verənlərdən xəbərdar olmadıqlarını bildiriblər.

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.