Dünya

Putin ABŞ-la bağlı göstəriş verdi: “Simmetrik cavab hazırlayın!”

23 Avqust 2019 18:09

0 Şərh Baxış: 1 277

VTB-də minimal faiz dərəcəsi ilə nağd kredit 9.9%-dən

#RUSİYA

Rusiya Prezidenti Vladimir Putin ABŞ-ın uçuş məsafəsi 500 km-dən çox olan yeni "Tomahawk" raketinin sınaqdan keçirilməsinə "simmetrik cavabın hazırlanması üzrə ətraflı tədbirlər" görməyi tapşırıb.

Milli.Az Virtualaz.org-a istinadən bildirir ki, Rusiya lideri Təhlükəsizlik Şurasının daimi üzvləri ilə müşavirədən sonra belə bəyanat verib.

Rusiya dövlət başçısının sözlərinə görə, Amerika tərəfi aralıq və qısa mənzilli raketlərin ləğvi haqqında Sazişdən (INF Müqaviləsi) çıxaraq, "dünyanın müxtəlif bölgələrində qadağan olunmuş raketlərin yerləşdirilməsi üçün əllərini açdı".

Rusiya Prezidenti vurğulayıb ki, ABŞ Rusiyanın guya bu razılaşmaya riayət etməməsi ilə bağlı təbliğat kampaniyasına başlamışdı, lakin Moskva müqavilənin qadağan edilmiş silahlar üzərində Amerika tərəfinin gördüyü işlər barədə əvvəllər də məlumat vermişdi.

ABŞ-ın hərəkətləri ilə əlaqədar olaraq, Putin Müdafiə Nazirliyinə və Xarici İşlər Nazirliyinə təhdid səviyyəsini təhlil etməyi və simmetrik cavab vermək üçün tədbirlər görməyi tapşırıb. Rusiya, dövlət başçısının vurğuladığı kimi, təhlükəsizliyini birtərəfli qaydada təmin edəcək.

Milli.Az