Dünya

Bu ölkədə dörd ay davam edən fövqəladə vəziyyət rejimi ləğv olundu

23 Avqust 2019 17:24
0 Şərh     Baxış: 545

Şri-Lanka Prezidenti Maytripala Sirisena aprel ayında baş vermiş terror aktlarından sonra tətbiq olunan fövqəladə vəziyyət rejiminin müddətini uzatmayıb.

Milli.Az AZƏRTAC-a istinadən xəbər verir ki, bu barədə dövlət başçısının dəftərxanasında olan mənbə bildirib.

Xatırladaq ki, aprelin 21-də pasxa bayramı zamanı Şri-Lankada törədilən silsilə partlayışlar nəticəsində təxminən 250 nəfərə yaxın insan ölüb, 500-dən çox insan isə yaralanıb. Həlak olanların 42-si xarici ölkə vətəndaşıdır. İlk 6 partlayış Kolombo, Neqombo və Battikaloa şəhərlərindəki 3 kilsə və 3 oteldə qeydə alınıb, 7-ci partlayış adanın qərbində, 8-ci partlayış isə Kolombo şəhəri yaxınlığında yerləşən yaşayış kompleksində baş verib.

Növbəti gün - aprelin 22-də ictimai asayişin təmin olunması məqsədi ilə polisi və silahlı qüvvələri xüsusi səlahiyyətlə təmin etmək üçün Şri-Lankada fövqəladə vəziyyət rejimi tətbiq olunub. Ölkə prezidenti indiyə qədər fövqəladə vəziyyət rejiminin müddətini üç dəfə uzadıb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.