Dünya

Rusiya donanmasına yanacaq daşıyan tanker həbs edilib

20 Avqust 2019 19:44

0 Şərh Baxış: 679

#RUSİYA

Ukrayna prokurorluğunun verdiyi məlumata görə, Krıma yanacaq daşıdığı iddia olunan "Mriya" (IMO 9109811) adlı tanker həbs edilib.

Milli.Az Sputnik Azərbaycan-a istinadən xəbər verir ki, tankeri həbs etmək qərarını Xerson şəhərinin apellyasiya məhkəməsi verib.

Prokurorluqda bildiriblər ki, 2015-ci ilin iyununda bu gəmi "Vilga" adı altında Rusiyanın Qara dəniz donanmasının Sevastopolda yerləşən hissələrinə yanacaq daşıyıb.

Beynəlxalq Nəqliyyat İşçiləri Federasiyasının (ITF) məlumatına görə, "Vilga" (IMO 9109811) tankeri Ukrayna bayrağı altında üzür. Tanker sonradan "Mriya" adlandırılıb.

Gəminin hazırda Xerson limanında Ukrayna tərəfindən müsadirə olunmuş Rusiyaya məxsus "Mexanik Poqodin" tankerinin yaxınlığında saxlanıldığı bildirilir.

Milli.Az