Dünya

“Toyota” dünya avtomobil sənayesinin lideri statusunu itirə bilər

23 Aprel 2011 12:12
Baxış: 213
VTB-də minimal faiz dərəcəsi ilə nağd kredit 9.9%-dən
#TOYOTA MOTOR CORP
"Toyota" korporasiyası bu ilin martında Yaponiyada baş vermiş təbii fəlakətdən sonra istehsalda yaranmış problemlər üzündən dünya avtomobil sənayesinin lideri statusunu itirə bilər. Milli.Az xəbər portalının "Rossiya-24" telekanalına istinadən verdiyi məlumata görə, bunu Yaponiyanın "Nikkei" qəzeti yazıb. "Cari maliyyə ilində "Toyota" avtomobillərinin istehsalı 1,5-2 milyon ədəd azalacaq", analitik Kohey Takaxasi hesab edir.

Bu ilin əvvəlində korporasiya aprelin 1-dən gələn il martın 31-inədək Yaponiya və xaricdə 7,7 milyon avtomobil istehsal etməyi planlaşdırırdı. Lakin təbii fəlakət bölgəsində bəzi müəssisələrin işini dayandırması nəticəsində bu plan pozulub. Belə ki, korporasiya rəhbərliyi hesab edir ki, istehsal olunan maşınların sayı 400 min dədəd azala bilər.

"Nikkei" qəzetinin yazdığına görə, "Toyota"nın əsas rəqibi "General Motors" bu cür problemlərlə qarşılaşmayıb.

Bir müddət əvvəl "Toyota"nın prezidenti Akio Toeda keçirdiyi mətbuat konfransında bildirmişdi ki, korporasiya istehsalı tam həcmdə yalnız bu ilin sonunda bərpa edə biləcək.

Xatırladaq ki, martın 11-də baş vermiş dağıdıcı zəlzələdən sonra Yaponiyada bir sıra müəssisələr fəaliyyətini dayandırmalı olub. Bir aydan artıq davam edən fasilə onunla nəticələnib ki, "Toyota" zavodları təxminən 50 faiz gücü ilə işləyir. Şirkət adi istehsal həcminin bərpasına Yaponiyada iyulda, xarici ölkələrdəki zavodlarda isə avqustda başlamağı planlaşdırır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.