Dünya

İranda Əhmədinejadı dəstəkləyən saytlar qadağan olunub

22 Aprel 2011 21:02
Baxış: 316
VTB-də minimal faiz dərəcəsi ilə nağd kredit 9.9%-dən
Milli.Az xəbər portalı "Milliyet"ə istinadən bildirir ki, İranda kəşfiyyat nazirinin vəzifəsindən kənarlaşdırılması ölkə prezidenti Mahmud Əhmədinejad ilə ali dini lider, ayətulla Əli Xamneyi arasındakı münasibətləri sərinləşdirib.
Bu sərinləşmə media müstəvisinə də çıxıb.

Belə ki, M .Əhmədinejadı dəstəkləyən bir çox saytlara daxil olmaqdja ciddi problemlər yaranıb.
Aralarında "Doleteyar.com", "mahramanenews.com", "bakerionline.ir", "rahva.ir" və "penhannews.com"'un da olduğu bir çox sayta İrandan daxil olmaq mümkün deyil.
İranın kəşfiyyat nazirinin vəzifədən kənarlaşdırılmasından sonra həmin saytlar prezident M.Əhmədinejadın qərarını dəstəkləyərək ayətulla Xamneyi tərəfdarlarına qarşı sərt açıqlamalar vermişdilər.

İş o yerə çatıb ki, İranın rəsmi dövlət informasiya agentliyi İRNA-nı belə, ayətulla Xamneyinin tərəfdarı olan media quruluşları sərt tənqid edirlər.

Ötən bazar günü İranın kəşfiyyat naziri Heydər Muslihi tutduğu vəzifədən istefa vermiş, onun ərizəsini də Mahmud Əhmədinejad qəbul etmişdi. Lakin ali dini lider ayətulla Əli Xamneyi nazirin vəzifəsində qalaraq işinə davam etməsini istəmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.