Dünya

Dünyanın ən uzun gölü: Dörd ölkəni bir-birinə bağlayır

25 İyun 2026 00:12

Baxış: 387

VTB-də minimal faiz dərəcəsi ilə nağd kredit 9.9%-dən

Şərqi Afrikada yerləşən və hövzəsində 10 milyon insanın yaşadığı Tanqanika Gölü "Ginnesin Rekordlar Kitabı" tərəfindən dünyanın ən uzun şirin sulu gölü olaraq rəsmən tanındı.

Milli.Az xəbər verirvki, dörd ölkənin sərhədi Tanzaniya, Demokratik Konqo Respublikası, Burundi və Zambiya sərhədlərindən keçən Tanqanika Gölü, dünyanın ən uzun gölü ünvanını aldı. Bu qeydiyyat, 9-13 milyon illik tarixə malik olan gölün qlobal hidroloji və ekoloji xəritələrdəki önəmli mövqeyini təsdiqlədi.

Tanqanika Gölünün coğrafi xüsusiyyətləri:

Gölün eni 16 ilə 72 kilometr arasında dəyişir.

Həcm baxımından dünyanın ən böyük ikinci şirin su ehtiyatı olmaqla yanaşı, yer kürəsinin ən qədim ikinci gölüdür.

Orta dərinliyi 570 metrdir, bəzi nöqtələrdə isə 1436 metrə çataraq Afrikanın ən dərin, dünyanın isə ikinci ən dərin gölü hesab olunur.

Dəniz səviyyəsindən 662 metr aşağıda yerləşdiyi üçün "kriptodepresiya" zonası olaraq təsnif edilir.

Göl hövzəsi 500-ü yalnız bu bölgəyə xas (endemik) olmaqla, ümumilikdə 2 mindən çox canlı növünə ev sahibliyi edir. Yerli əhali üçün əsas zülal qaynağı olan bu göldə 250-dən çox çiklid balığı növü ilə yanaşı, timsahlar və begemotlar (su ayğırları) yaşayır.

Tanzaniyadakı "daşlaşdıran" göl: Natron
Tanzaniyanın şimalında, Keniya sərhədinə yaxın yerdə yerləşən Natron Gölü isə yüksək qələvi (alkali) quruluşu, dayazlığı və istiliyi ilə bölgədəki digər diqqətçəkən su kütləsidir. Yüksək natrium karbonat ehtiva edən kimyəvi quruluşu sayəsində, gölün sahilində ölən quş və yarasa kimi heyvanların bədənləri təbii yollarla qorunur və kireclənərək daşlaşmış bir görünüş alır.

Müəllif: Ülkər Vəliyeva (Milli.Az redaktor)