Dünya

Bosniyada təbii fəlakət 17 nəfəri öldürdü

18 May 2014 10:21
0 Şərh     Baxış: 2 400
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #DÜNYADA #AVROPA #TƏBİİ FƏLAKƏT #SHİONOGİ & CO LTD #DRUG DR SULAR
Bosniyalılar ölkə tarixində ən böyük təbii fəlakətlə qarşı-qarşıyadır. Hökumət aramsız yağan yağışlar nəticəsində baş vermiş daşqınların fəsadlarını aradan qaldırmağa çalışır.

Milli.Az anspress-ə istinadən bildirir ki, daşqınlar zamanı ölənlərin sayı 17-yə çatıb. Rəsmilər itkin sayının dəqiq məlum olmadığını, lakin sular geri çəkildikcə meyidlərin artacağını məruzə ediblər. Fövqəladə vəziyyətlə əlaqədar geniş miqyaslı təxliyə işləri başladılıb. Xilasedicilər helikopter və kiçik qayıqlarla suların əsarətində qalanları təhlükəsiz yerlərə köçürməyə çalışıblar.

Daşqınlar əsasən, ölkənin şimal-şərq hissəsində təsirli olub. Burada minlərlə evi və yolları su basıb. Bir neçə rayonda nəqliyyatın hərəkəti tamamilə iflic vəziyyətinə düşüb. İndiyə qədər 300-dən çox yerdə torpaq sürüşməsi baş verib. Onlarla ev və avtomobil torpağın altında qalıb.

Rəsmilər sonuncu dəfə bu miqyasda daşqınların 120 il bundan əvvəl baş verdiyini bildirirlər. Məlumata görə, təbii fəlakət təxminən 1 milyon insana təsir edib.

Meteoroloqların məruzəsində isə regiona son 3 gündə yağan yağışın 3 aylıq normadan da artıq olduğu qeyd olunur.

Oxşar vəziyyət, eyni zamanda, Serbiyada da yaşanıb. Paytaxt Belqradın qərb rayonlarında vəziyyət daha ağırdır. Burada xilasedicilər suların əsarətində qalmış yüzlərlə insanı xilas etməyə çalışıblar.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.