Dünya

Türkiyədə zəlzələ oldu

21 Sentyabr 2026 09:33

Baxış: 964

VTB-də minimal faiz dərəcəsi ilə nağd kredit 9.9%-dən

Türkiyənin cənubundakı Adana vilayətində səhər saatlarında 5 maqnitudalı zəlzələ baş verib, yeraltı təkanlar daha dörd qonşu vilayətdə hiss olunub.

Türkiyənin Fövqəladə Halların İdarə Olunması Agentliyinin (AFAD) məlumatına görə, hər hansı mənfi hal və dağıntı qeydə alınmayıb.

AFAD-ın "X" sosial şəbəkəsində yayımladığı açıqlamada deyilir:

"Adana vilayətinin Saimbəyli rayonunda saat 04:02-də baş verən və Kahramanmaraş, Osmaniyə, Kayseri və Qaziantep vilayətlərində də hiss olunan 5 maqnitudalı zəlzələdən sonra hazırda hər hansı mənfi hal qeydə alınmayıb. Ərazidə araşdırmalar davam etdirilir".

Adana vilayəti rəhbərliyi də zəlzələdən sonra dağıntılarla bağlı təcili xidmətlərə hər hansı müraciətin daxil olmadığını bildirib.

Müəllif: Malik Məlikov (Milli.Az redaktor)