Dünya

Türkiyədə “Ankara Hava Limanı”nın açılışı olacaq

14 İyun 2026 16:38
Baxış: 1 164
VTB-də minimal faiz dərəcəsi ilə nağd kredit 9.9%-dən

Türkiyənin paytaxtında yerləşən və bundan sonra "Ankara Hava Limanı" adı ilə fəaliyyət göstərəcək "Etimesgut" hərbi hava limanının yenidənqurma və modernləşdirmə işləri tamamlanıb.

Milli.Az xəbər verir ki, ANK kodu ilə fəaliyyət göstərəcək hava limanının rəsmi açılış mərasiminin iyunun 15-də Türkiyə Prezidenti Rəcəb Tayyib Ərdoğanın iştirakı ilə keçirilməsi nəzərdə tutulur.

Yeni hava limanı həm daxili, həm də beynəlxalq reyslərə xidmət göstərəcək. Bu addım xüsusilə beynəlxalq tədbirlər və yüksək səviyyəli protokol səfərləri zamanı yaranan sərnişin və aviasiya yükünün Ankara şəhərindəki "Esenboğa" Hava Limanı ilə bölüşdürülməsinə imkan verəcək.

Məlumata görə, hava limanından iyul ayında Ankarada təşkil olunacaq NATO sammiti çərçivəsində də istifadə edilməsi planlaşdırılır.

Türkiyə rəsmilərinin bildirdiyinə əsasən, "Etimesgut" Hava Limanının modernləşdirilməsi layihəsi səkkiz ay ərzində həyata keçirilib. Layihə çərçivəsində hava limanının bütün texniki sistemləri və uçuş-enmə zolağı beynəlxalq standartlara uyğun şəkildə yenilənib.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.