Dünya

13 gün sonra 300 metr dərinlikdən sağ çıxarıldı

10 Aprel 2026 12:28

Baxış: 1 641

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ

Mexicoda baş verən mədən qəzasında 300 metr dərinlikdə 13 gün sağ qalan 42 yaşlı Francisco Zapata xilas edilib.

Milli.Az xəbər verir ki, hadisə martın 25-də Sinaloa ştatında yerləşən Santa Fe qızıl mədənində baş verib. Çökmə nəticəsində dörd mədənçi yerin altında qalıb, onlardan biri həyatını itirib.

Günlərlə davam edən axtarış-xilasetmə əməliyyatı zamanı xilasedicilər su və palçıqla dolu tunellərdə irəliləyərək Zapataya çatıb. Onu ilk gördükləri an mədənçi "İnancımı itirməmişəm" sözlərini deyib.

Məlumata görə, Zapatanın çıxarılması təxminən 21 saat davam edən çətin əməliyyat nəticəsində mümkün olub. Onun hazırda müalicə aldığı və vəziyyətinin yaxşılaşdığı bildirilir.

Hadisə ölkədə mədən təhlükəsizliyi ilə bağlı müzakirələri yenidən gündəmə gətirib.

Milli.Az