Dünya

Tramp: "Ərdoğana hörmət edirəm, Netanyahu da hörmət edir"

30 Dekabr 2025 01:18

Baxış: 1 311

VTB-də minimal faiz dərəcəsi ilə nağd kredit 9.9%-dən

#İSRAİL #DONALD TRAMP #ƏRDOĞAN

ABŞ Prezidenti Donald Tramp, İsrail Baş naziri Binyamin Netanyahu ilə keçirdiyi 5-ci rəsmi görüşdən sonra mətbuata səmimi və strateji açıqlamalar verib. Görüşün əsas mövzularından biri Türkiyənin Qəzzadakı rolu və bölgədəki hərbi mövcudluğu olub.

Milli.Az xəbər verir ki, jurnalistlərin "Türk əsgərlərinin Qəzzada yerləşdirilməsini gözləyirsinizmi?" sualına Tramp belə cavab verib:

"Prezident Ərdoğanla çox yaxşı münasibətim var və bu mövzunu müzakirə edəcəyik. Əgər uyğundursa, məncə, bu yaxşı bir şeydir. Türkiyə möhtəşəm bir ölkədir və Ərdoğan da mükəmməl bir liderdir."

Tramp Türkiyə lideri ilə olan dostluğunu və ona olan etimadını xüsusi vurğulayıb:

"Prezident Ərdoğan mənim çox yaxın dostumdur, ona hörmət edirəm, Netanyahu da ona hörmət edir."

"Mənim onunla (Ərdoğanla) başqalarının edə bilmədiyi işləri necə bacardığımı gördünüz. Sona qədər Ərdoğanlayam, tamamilə. Eyni zamanda sona qədər Netanyahuylayam. Heç bir problem olmayacaq."

Görüşdə Qəzza ilə bağlı bəzi fikir ayrılıqlarının olduğunu da gizlətməyən Tramp, Həmasa qarşı sərt mesajlar ünvanlayıb:

Silahsızlanma: "Həmasa silahsızlanmaq üçün çox qısa vaxt veriləcək. Əgər qəbul etməsələr, bunun bədəlini ödəyəcəklər."

Fikir ayrılığı: "Çox sayda nəticəyə vardıq, lakin Qəzza mövzusunda Netanyahu ilə baxış bucaqlarımız arasında kiçik bir fərqlilik var."

Bu görüş Trampın Ağ Evdəki ikinci dönəmində Netanyahu ilə keçirdiyi 5-ci zirvə görüşü kimi qeydə alınıb. Görüşün dekabrın əvvəlində baş tutan telefon danışığından sonra, İsrail tərəfinin təşəbbüsü ilə planlaşdırıldığı bildirilir.

Lalə Qüdrətova
Milli.Az

Milli.Az - Xəbər Portalı

Tramp: "Ərdoğana hörmət edirəm, Netanyahu da hörmət edir"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?