Dünya

Fələstini tanımaq üçün iki şərti var

24 Sentyabr 2025 21:33
Baxış: 3 186
VTB-də minimal faiz dərəcəsi ilə nağd kredit 9.9%-dən
#İTALİYA

İtaliya Baş naziri Corcia Meloni, BMT-nin Nyu-Yorkda keçirilən 80-ci Baş Assambleyasında çıxış edərək hökumətin parlamentə Fələstin dövlətinin tanınması ilə bağlı təklif təqdim edəcəyini açıqlayıb. Lakin o, bu addımın yalnız bütün girovların azad olunması və Hamasın Qəzzadan tamamilə kənarlaşdırılması şərti ilə atılacağını bildirib.

Milli.Az xarici mətbuata istinadən xəbər verir ki, Meloni çıxışında: "Fələstinin tanınmasına qarşı deyiləm, amma prioritetlərimizi düzgün müəyyənləşdirməliyik. Beynəlxalq təzyiq İsrailə deyil, Həmasa yönəlməlidir. Çünki savaşı başlayan və girovları qaytarmaqdan imtina edən tərəf Həmasdır" - deyə bildirib.

Baş nazir həmçinin müxalifətdən də bu məsələdə dəstək gözlədiyini vurğulayıb.

Meloninin şərtli yanaşması İtaliyada müxalifətin tənqidlərinə səbəb olub. Beş Ulduz Hərəkatının lideri və keçmiş Baş nazir Cüzeppe Konte, bu addımı "ucuz bir manevr" adlandırıb.

Konte "İtaliya niyə artıq 150-dən çox ölkənin tanıdığı Fələstini tanımır? Əgər İtaliya tələsməsə, yaxın zamanda Fələstin xalqı deyilən bir şey qalmayacaq."

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.