Dünya

"Bu qərar qüvvədə qalsa, ABŞ məhv olacaq"

31 Avqust 2025 12:43
Baxış: 1 558
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ

ABŞ prezidenti Donald Tramp bildirib ki, Apellyasiya Məhkəməsinin qərarına baxmayaraq, indiyədək başqa ölkələrdən gətirilən tədarüklərə tətbiq etdiyi bütün tariflər qüvvədə qalır.

Milli.Az xəbər verir ki, avqustun 29-da Kolumbiya Dairəsinin Apellyasiya Məhkəməsi Trampın hazırda qüvvədə olan bir çox tarifləri tətbiq etmək səlahiyyətinə malik olmadığı barədə qərar çıxarıb.

Bunlara aprel ayında bir sıra ölkələrə qarşı tətbiq edilən tariflər də daxildir. Vaşinqton administrasiyası bu tədbirləri cavab tədbirləri adlandırıb. Apellyasiya məhkəməsinin qərarı Trampın fevral ayında Çin, Kanada və Meksikaya qarşı tətbiq etdiyi tariflərə də aiddir. Məhkəmənin qərarına əsasən, tariflər ən azı oktyabrın 14-dək qüvvədə qalacaq. Bu möhlət Vaşinqton administrasiyasına ABŞ Ali Məhkəməsinə şikayət hazırlamaq üçün verilib.

Tramp isə Truth Social-da məhkəmə qərarına rəğmən tairflərin qüvvədə qalacağını bəyan edib: "Bütün tariflər hələ də qüvvədədir. Bu gün son dərəcə qərəzli apelyasiya məhkəməsi səhvən bizim tariflərimizin ləğv edilməsi barədə qərar çıxarıb, lakin onlar (hakimlər - red) anlayırlar ki, sonda ABŞ qalib gələcək. Tariflər nə vaxtsa ləğv olunsa, bu, ölkəmiz üçün fəlakət olacaq. Onlar bizi maliyyə cəhətdən zəiflədəcək, hansı ki, biz güclü olmalıyıq".

Tramp əmin edib ki, "Birləşmiş Ştatlar dost və ya düşmən olmasından asılı olmayaraq, digər ölkələrin böyük ticarət kəsirlərinə və ədalətsiz tarif və qeyri-tarif ticarət maneələrinə daha dözməyəcək": "Əgər bu məhkəmə qərarı qüvvədə qalsa, o, ABŞ-ı sözün əsl mənasında məhv edəcək". O qeyd edib ki, ABŞ Ali Məhkəməsində qərara etiraz edəcək. /Musavat.com

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.