Dünya

İran və İsrail danışıqlar masasına oturacaqmı?

9 İyul 2025 17:31
Baxış: 1 145
VTB-də minimal faiz dərəcəsi ilə nağd kredit 9.9%-dən
#IRAN #ISRAEL

İranın nüvə proqramı ilə bağlı problem yalnız diplomatik səylər və danışıqlar yolu ilə həll oluna bilər.

Milli.Az xəbər verir ki, bu fikri Beynəlxalq Atom Enerjisi Agentliyinin (BAEA) direktoru Rafael Qrossi Varşavada jurnalistlərlə görüşü zamanı səsləndirib.

"İranın nüvə proqramına müəyyən ziyan dəysə də, bu problemin davamlı və sabit həllinə ehtiyac qalır. Hərbi yanaşma çıxış yolu ola bilməz, çünki texnoloji və sənaye baxımından inkişaf etmiş bir ölkənin nüvə potensialını tamamilə sıradan çıxarmaq mümkün deyil", - deyə Qrossi bildirib.

O qeyd edib ki, problemin həlli üçün diplomatik razılaşmalar əsas rol oynamalıdır və bu razılaşmalara nəzarət və yoxlama mexanizmləri də daxil edilməlidir:

"Əks halda, əldə ediləcək razılaşma olduqca kövrək olacaq. Proses artıq münaqişədən sonrakı mərhələyə keçib və ümid edirəm ki, danışıqların tempi artırılaraq razılaşmaya nail olmaq mümkün olacaq".

Qeyd edək ki, son vaxtlar İranla BAEA arasında münasibətlərdə gərginlik artıb. İyunun sonunda İran parlamenti ölkənin Agentliklə əməkdaşlığını dayandırmaq barədə qanun layihəsini qəbul edib. İyulun 2-də isə Prezident Məsud Pezeşkian həmin qanunu imzalayıb.

Diplomatik mənbələrin bildirdiyinə görə, bu qərar ölkə daxilində də nüvə proqramı ilə bağlı əlavə narahatlıqlara səbəb olub. Lakin R.Qrossi İranla danışıqların davam etdirilməsinin və münaqişənin sülh yolu ilə həllinin vacibliyini bir daha vurğulayıb.

Asya
Milli.Az 

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.