Dünya

Fransada genişmiqyaslı iğtişaşlar - Parisdə xaos hökm sürür

22 İyun 2025 12:31

Baxış: 1 228

VTB-də minimal faiz dərəcəsi ilə nağd kredit 9.9%-dən

#DÜNYADA #FRANSA

Fransanın paytaxtı Parisdə son günlərdə baş qaldıran genişmiqyaslı iğtişaşlar getdikcə daha da şiddətlənir. Hadisələrin mərkəzində şəhərin mərkəzi bölgələrindən biri olan Şatelet-Les Halles ərazisi dayanır.

Milli.Az xəbər verir ki, sosial mediada yayılan görüntü və məlumatlara əsasən, Şatelet meydanında, xüsusilə St-Eustache kilsəsinin yaxınlığında etnik mənsubiyyətə görə bir neçə nəfərin linç edildiyi bildirilir. Şahidlərin sözlərinə görə, ağdərili şəxslərə qarşı kütləvi hücumlar qeydə alınıb.

Forum des Halles ticarət mərkəzinin girişində isə xaotik mənzərə hökm sürür. Şüşə butulkaların polislərə atıldığı, "həmişə eyni adamlar" kimi xarakterizə olunan şəxslərlə hüquq-mühafizə orqanları arasında ciddi toqquşmalar yaşanıb. Mərkəzin infrastrukturuna ciddi ziyan dəydiyi bildirilir.

Hadisələrin miqyası elə genişdir ki, bəziləri bu mənzərəni "Afrikada baş verən vətəndaş qarşıdurmalarına" bənzədir, lakin qeyd olunur ki, bu hadisələr Parisin mərkəzində baş verir.

Şahidlər həmçinin Londondan gəlmiş nümayişçilərin də Şatelet ərazisində toplaşdığını iddia edirlər, bu isə vəziyyətin beynəlxalq miqyasda rezonans doğura biləcəyindən xəbər verir.

Fransa hökumətindən və daxili işlər nazirliyindən məsələ ilə bağlı hələlik rəsmi açıqlama verilməyib.

Kənan
Milli.Az