Dünya

Moskvada partlayış: Rus general öldü - ANBAAN VİDEO

25 Aprel 2025 14:36

Baxış: 2 597

VTB-də minimal faiz dərəcəsi ilə nağd kredit 9.9%-dən

#HADİSƏ #VİDEO #MOSKVA

Moskva vilayətinin Balaşixa şəhərində partlayış baş verib.

Milli.Az rus telegram kanallarına istinadla xəbər verir ki, hadisə nəticəsində Rusiya Silahlı Qüvvələrinin Baş Qərargahının Baş Əməliyyat İdarəsi rəisinin müavini, general-mayor Yaroslav Moskalikin həlak olduğu bildirir.

Partlayış səhər saatlarında Aviatorov mikrorayonunda hərbi pensiyaçılar üçün nəzərdə tutulmuş yaşayış kompleksinin yaxınlığında qeydə alınıb.

Saat 10:40 radələrində yaşayış evlərindən birinin yanında dayanmış "Volkswagen" markalı avtomobilin partlaması nəticəsində yaxınlıqdakı mənzillərin aşağı mərtəbələrində pəncərələr sınıb. Hadisə zamanı digər bir avtomobillər də zərər görüb. Partlayışdan sonra "Volkswagen" yanmağa başlayıb və alov dərhal hadisə yerinə çatan xilasedicilər tərəfindən söndürülüb.

Hadisə ilə bağlı araşdırma aparılır.

Milli.Az