PUL
Qızıl yeni rekord səviyyəyə çatıb. ABŞ iqtisadiyyatında baş verən son hadisələr və siyasi qeyri-müəyyənliklər dünya bazarlarında qızıl qiymətlərinə ciddi təsir göstərib.
Milli.Az xəbər verir ki, qızılın bir unsiyası günə 3,425 dollar qiyməti ilə başlayıb. Gün ərzində ən aşağı səviyyə 3,412 dollar, ən yüksək isə 3,494 dollar olaraq qeydə alınıb. Hal-hazırda isə 3,489 dollardan satılır.
Qram qızıl günə 4,208 lirə ilə start verib. Gün ərzində ən aşağı səviyyə 4,195 lirə, ən yüksək isə 4,297 lirə olub. Hazırda isə 4,292 lirə civarında satılır.
Qeyd edək ki, Trampın FED sədri Jerome Powell-i vəzifədən uzaqlaşdırmaq niyyəti və onu faiz dərəcələrini azaltmağa məcbur etməsi, investorlar arasında qeyri-müəyyənliyi artırıb. Bu vəziyyət, həmçinin ABŞ iqtisadiyyatının tənəzzülə uğrama ehtimalı və davam edən ticarət müharibələri ilə birlikdə, qlobal iqtisadi sistemdə sabitliyin pozulmasına səbəb olub.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
