Dünya

NATO Baş katibi Zelenski ilə görüşdü

10 Yanvar 2025 08:47
Baxış: 1 071
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

Volodimir Zelenski Ukraynanın hava hücumundan müdafiəsini gücləndirmək üçün NATO-nun Baş katibi Mark Rutte ilə görüşüb.

Milli.Az xəbər verir ki, bu barədə dövlət başçısı öz Telegram kanalında paylaşım edib.

"NATO-nun Baş katibi Mark Rutte ilə görüşdüm. Əsas diqqət ölkəmizin hava hücumundan müdafiəsinin gücləndirilməsinə və Danimarka modelinə əsaslanaraq NATO ölkələrinin Ukrayna silahlarını almasına cəlb olunmasına yönəldi," - Zelenski bildirib.

Prezidentin sözlərinə görə, tərəfdaşların ümumi vəzifəsi Ukraynanın güclü mövqeyini təmin edərək ədalətli və davamlı sülhə nail olmaqdır.

"Bu məqsədə nail olmaq üçün Şimali Atlantika Alyansı platformasının necə istifadə edilə biləcəyini də bu gün müzakirə etdik," - Zelenski əlavə edib.

Əlavə oxuyun: Zelenski Ramstein toplantısında tərəfdaşları Ukraynaya vəd edilən hava hücumundan müdafiə sistemlərini verməyə çağırır.

Məlumata görə, bu gün Ukraynanın Müdafiəsi üzrə Əlaqə Qrupunun (Ramstein formatı) iclas iştirakçıları müttəfiqlərlə birlikdə Ukrayna Müdafiə Qüvvələrinin 2027-ci ilə qədər əsas məqsədlərini müəyyən edən 8 yol xəritəsini təsdiqləyiblər.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.