Dünya

Latviyada Belarusa məxsus dövlət nömrəli avtomobillər yığışdırılır

11 Sentyabr 2024 11:23

Baxış: 704

#BELARUS #LATVİA #AVTOMOBİL

Belarusda qeydiyyatda olan və Latviyada istifadə olunan minik avtomobilləri 31 oktyabra qədər ölkə ərazisini tərk etməlidir.

Milli.Az report-a istinadən xəbər verir ki, bu barədə Latviya parlamentinin saytında yerləşdirilən bəyanatda deyilir.

"Sentyabrın 10-da Seymdə yekun oxunuşda "Yol hərəkəti haqqında" Qanuna təcili hesab edilən düzəlişlər təsdiqlənib", - məlumatda bildirilir.

Minik avtomobillərinin çıxarılması Avropa İttifaqının (Aİ) əvvəllər tətbiq etdiyi sanksiyaların davamı kimi yerinə yetiriləcək.

Qanuna edilən düzəlişlərə əsasən, əgər nəqliyyat vasitəsi çıxarılmasa, müsadirə olunacaq.

Qeyd edilir ki, 31 oktyabrdan sonra Belarus nömrəli nəqliyyat vasitələri Latviyaya yalnız birdəfəlik tranzit üçün daxil ola biləcəklər.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı

DİGƏR XƏBƏRLƏR