Dünya

Tailandda təyyarə qəzası nəticəsində Çinin 5 vətəndaşı ölüb

22 Avqust 2024 21:44

Baxış: 672

VTB-də minimal faiz dərəcəsi ilə nağd kredit 10.49%-dən

#ÇİN

Tailandın şərqindəki Çaçenqsau əyalətində yüngül mühərrikli təyyarənin qəzaya uğraması nəticəsində Çinin 5 vətəndaşı ölüb.

Milli.Az report.az-a istinadən xəbər verir ki, bu barədə "Xinhua" agentliyi Çinin Tailanddakı səfirliyinə və yerli hakimiyyət orqanlarına istinadən məlumat yayıb.

Tailandın Mülki Aviasiya İdarəsindən verilən açıqlamada qeyd edilib ki, qəzadan əvvəl "Thai Flying Service" aviaşirkətinə məxsus olan "Cessna Caravan C208B" təyyarəsi Banqkokdakı Suvarnabhumi hava limanındakı hava hərəkətini idarəetmə mərkəzi ilə əlaqəni kəsib.

Təyyarə ölkənin cənub-şərqindəki Trat vilayətinə uçurdu. Təyyarədə Tailand və Çin vətəndaşları olmaqla 7 sərnişin və iki ekipaj üzvü olub.

"Khaosod" qəzetinin məlumatına görə, təyyarənin qalıqları axtarış-xilasetmə əməliyyatı zamanı manqrov meşəsində aşkar edilib.

Milli.Az
Xəbərlərimizi WhatsApp kanalımızdan da oxuyun