Dünya

İlk hərbi kəşfiyyat və müşahidə peykini çıxardılar

18 Avqust 2024 09:04

Baxış: 611

VTB-də minimal faiz dərəcəsi ilə nağd kredit 9.9%-dən

#KOSMOS #PEYK #BRİTANİYA

Böyük Britaniya Yer səthinin gündüz foto və video çəkilişi üçün nəzərdə tutulmuş ilk hərbi peykini orbitə çıxarıb.

Milli.Az AZƏRTAC-a istinadən bildirir ki, bu barədə Böyük Britaniya Kosmik Komandanlığının məlumatında deyilir.

Qeyd edilir ki, Amerikanın "Falcon 9" daşıyıcı aparatı ilə orbitə çıxarılan "Tyche" peyki Böyük Britaniyada yaradılıb. Onun hazırlanması və yığılması 22 milyon funt-sterlinqə (25 milyon dollar) başa gəlib. 160 kq çəkisi olan peyk 5 km enində, 90 sm-ə qədər aydınlıqda yer cisimlərinin təsvirlərini təqdim etmək üçün nəzərdə tutulub.

Bundan əvvəl London artıq özünün "Skynet" peyk sistemindən istifadə edirdi, lakin kəşfiyyat məqsədləri üçün şəkillərə giriş hələ də müttəfiqlərə, ilk növbədə ABŞ-a göndərilməsi tələb olunurdu.

"Ukraynadakı münaqişənin göstərdiyi kimi, kosmosdan istifadə hərbi əməliyyatlar üçün vacibdir", - deyə Britaniya Kosmik Komandanlığının bəyanatında bildirilir.

Milli.Az
Xəbərlərimizi WhatsApp kanalımızdan da oxuyun