Dünya

Vitse-prezident və daha 9 nəfər təyyarə qəzasında həlak oldu - Yenilənib Bu ölkədə şok hadisə

11 İyun 2024 11:51
Baxış: 2 210
VTB-də minimal faiz dərəcəsi ilə nağd kredit 10.49%-dən

11:51

Malavinin vitse-prezidenti Saulos Çilima təyyarə qəzasında həlak olub.

Milli.Az APA-ya istinadən bildirir ki, Saulos Çilima və daha 9 nəfər təyyarə qəzasında həlak olub.

Axtarış-xilasetmə əməliyyatından sonra radarlardan itən təyyarə Chikangava meşəsində tapılıb və bütün sərnişinlərin öldüyü məlum olub.

---------------
10.06.2024

Malavinin vitse-prezidenti Saulos Çilimanı daşıyan təyyarə qəzaya uğraya bilər.

Milli.Az report.az-a istinadən xəbər verir ki, bu versiyanı Malavinin "Nyasa Times" qəzeti şahid ifadələrinə istinadən irəli sürüb.

Vitse-prezidentin həlak olması ilə bağlı ciddi narahatlıqlar var. O, vəkil Ralf Kasambarın dəfn mərasiminə gedirmiş, lakin pis hava şəraiti səbəbindən onun təyyarəsi hava limanına enə bilməyib və geri uçub. Dispetçerlər təyyarə ilə əlaqə yarada bilməyiblər. Hazırda axtarış-xilasetmə işləri davam etdirilir.

Hələlik dəqiq bilinən yalnız Çilimanın paytaxtın Lilonqve hava limanından ölkənin şimalındakı Mzuzi hava limanına uçduğu və geri qayıdarkən yoxa çıxmasıdır.

Qəzet yazıb ki, bunun təyyarə və ya helikopter olduğu hələlik bəlli deyil. Təyyarədə olan insanların sayı, müxtəlif mənbələrə görə, 9 və ya 10 nəfərdir.

Prezident administrasiyası yalnız təyyarənin yoxa çıxması və prezident Lazarus Çakveranın Baham adalarına və İsveçrəyə planlaşdırılan səfərini ləğv etməsi faktlarını təsdiqləyib.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.