Dünya

Trampdan sərt xəbərdarlıq: “Rusiya müharibəni davam etsə, ciddi nəticələrlə üzləşəcək”

15 Avqust 2025 17:50

Baxış: 1 141

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #UKRAYNA #MÜHARİBƏ #ABŞ #SÜLH

ABŞ Prezidenti Donald Tramp, Alyaskada keçiriləcək ABŞ-Rusiya sammiti ərəfəsində Moskvanı iqtisadi nəticələrlə hədələyib.

Milli.Az yerli mətbuata istinadən xəbər verir ki, o, əgər Rusiyanın Ukraynadakı müharibəni davam etdirərsə, bu, onun üçün ağır iqtisadi nəticələrə səbəb olacağını bildirib.

Tramp bəyan edib ki, sammit nəticəsiz başa çatsa, ABŞ Rusiyaya qarşı yeni sanksiyalar və iqtisadi təzyiqlər tətbiq edə bilər.

Təhlükəsizlik zəmanəti: NATO-ya yox, Avropa ilə birgə modelə dəstək

Ukrayna üçün təhlükəsizlik təminatı məsələsinə toxunan Tramp, təhlükəsizlik zəmanətinin Avropa ölkələri ilə birgə şəkildə həyata keçirilməsini dəstəklədiyini, lakin bu mexanizmin NATO bloku formatında təşkilinə qarşı olduğunu vurğulayıb.

Ərazi mübadiləsi gündəmdə, son söz Ukraynanındır

ABŞ Prezidenti həmçinin Rusiya və Ukrayna arasında ərazi mübadiləsi məsələsinin müzakirəyə açıq olduğunu qeyd edib. Trampın sözlərinə görə, bu istiqamətdə hər hansı qərarın yalnız Ukrayna tərəfindən verilməsi prinsipial əhəmiyyət daşıyır.

Kənan
Milli.Az