Dünya

Gürcüstan parlamenti mayın 14-də qalmaqallı qanuna üçüncü oxunuşda baxacaq

12 May 2024 21:25
Baxış: 452
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gürcüstan parlamentinin deputatları mayın 14-də keçiriləcək plenar iclasda "Xarici təsirin şəffaflığı haqqında" qanun layihəsinə üçüncü və yekun oxunuşda baxacaqlar.

Milli.Az report.az-a istinadən xəbər verir ki, bu barədə Gürcüstan parlamentinin spikeri Şalva Papuaşvili məlumat verib.

"Qrafikə gəlincə, sabah (13 may - Qeyd) Hüquq Məsələləri Komitəsində qanun layihəsinə üçüncü oxunuşda baxılacaq. Bu, redaksiya mülahizəsidir və təbii ki, heç bir əsas dəyişikliyin müzakirəsi gözlənilmir. Plenar iclasda müzakirəyə gəlincə, bu, çərşənbə axşamı (14 may - Qeyd) olacaq", - Papuaşvili bildirib.

Parlament sədri qanun layihəsini tənqid edən xarici tərəfdaşların substantiv müzakirə əvəzinə dezinformasiya kampaniyası aparmasından da təəssüfləndiyini bildirib. Papuaşvili qeyd edib ki, hər hansı tövsiyələr olarsa, onlar qanun üçüncü oxunuşda qəbul edildikdən sonra, ölkə prezidenti Salome Zurabişvili əsaslandırılmış şərhlərlə parlamentə veto göndərənə qədər təklif edə bilərlər. Belə ki, tövsiyələr parlament çoxluğu üçün məqbul olarsa, deputatlar prezidentin vetosunu dəstəkləyəcək və qanun layihəsinə dəyişiklik edəcəklər.

Gürcüstanın Baş naziri İrakli Kobaxidze isə bildirib ki, ölkə parlamenti "Xarici təsirin şəffaflığı haqqında" qanun layihəsini mayın 14-də qəbul edəcək. Onun sözlərinə görə, Gürcüstan parlamentində qərarlar xalqın əksəriyyətinin mənafeyinə uyğun olaraq qəbul edilir.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.