Dünya

Ümrə ziyarətindən qayıdan şəxs SAXLANILDI – Qəribə səbəb

18 Mart 2024 16:24

Baxış: 1 435

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI

Tacikistanda Ümrə ziyarətindən gələn şəxs saxlanılıb. Buna səbəb X.Murodillozoda adlı şəxsin ziyarətdən qayıtdıqdan sonra 100 nəfərlik şənlik təşkil etməsi olub.

Milli.Az konkret.az-a istinadən xəbər verir ki, bu barədə ölkənin Korrupsiyaya Qarşı Mübarizə İdarəsi məlumat yayıb.

"Murodillozoda ölkənin adət-ənənələrini, bayram və mərasimlərin tənzimlənməsi haqqında qanununu pozub. Bu tədbir zamanı o, müxtəlif yeməklər hazırlamaqla israfçılığa yol verib", - deyə məlumatda bildirilir.

Murodillozoda barəsində 481-ci maddəsinin 1-ci hissəsi ilə iş başlanıb. İş baxılması üçün Pencikent Şəhər Məhkəməsinə göndərilib.

Qeyd edək ki, martın 9-da Tacikistan Prezidenti müqəddəs Ramazan ayı ərəfəsində ictimaiyyət nümayəndələri, elm və din xadimləri ilə görüşərək vətəndaşları Həcc ziyarətindən qayıtdıqdan sonra təşkil edilən bayram şənliyində israfçılığa yol verməməyə çağırıb: "Yaxşı olardı ki, xeyriyyə işləri görün, imkansızlara, kimsəsizlərə yardım göstərin, onların qayğısına qalın".

Milli.Az
Xəbərlərimizi WhatsApp kanalımızdan da oxuyun