Dünya

Netanyahu: "İsrail HƏMAS-ı məhv edəcək"

28 Yanvar 2024 07:50

Baxış: 574

#İSRAİL #FƏLƏSTİN

İsrail Fələstinin HƏMAS hərəkatını, xüsusən də onun rəhbərliyini məhv etməkdə qərarlıdır, bundan sonra Qəzza zolağına nəzarət texnokratlara keçə bilər.

Milli.Az report.az-a istinadən xəbər verir ki, bunu İsrailin Baş naziri Benyamin Netanyahu deyib.

"HƏMAS-ın rəhbərliyini öhdəlik götürdüyümüz kimi məhv edəcəyik", - Netanyahu bildirib.

Baş nazirin sözlərinə görə, HƏMAS-ın inzibati və hərbi strukturunun məhv edilməsi bu hərəkatın tərəfdarlarının Qəzzada hakimiyyətdə qalma ehtimalını minimuma endirməlidir.

Xatırladaq ki, 2023-cü il oktyabrın 7-də Qəzza zolağından HƏMAS yaraqlılarının İsrail ərazisinə soxulmasından, sərhəd yaşayış məntəqələrinin sakinlərinin öldürülməsi və o cümlədən uşaqlar, qadınlar və qocalar da daxil olmaqla 200-dən çox sakinin girovun əsir götürülməsindən sonra Yaxın Şərqdə vəziyyət kəskin şəkildə pisləşib.

İsrail tərəfi buna cavab olaraq bu günə qədər davam edən "Dəmir qılınclar" əməliyyatını başlayıb.

Milli.Az
Xəbərlərimizi WhatsApp kanalımızdan da oxuyun