PUL
.png)
_.jpg)
Türkiyə 2053-cü ilə qədər atmosferə zərərli maddələrin emissiyasını sıfıra endirməyi planlaşdırır.
Milli.Az report-a istinadən xəbər verir ki, bu barədə Türkiyə Prezidenti Rəcəb Tayyib Ərdoğan Dubayda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyası (COP28) zamanı bildirib.
"Biz 2053-cü ilə qədər sıfır emissiya hədəfinə nail olmağı planlaşdırırıq. İlin sonuna qədər atmosferə karbon qazı emissiyalarını 66,6 milyon ton azaltmağı və 2030-cu ilə qədər emissiyaları iki dəfə azaltmağı planlaşdırırıq", - Ərdoğan Türkiyənin Paris iqlim sazişi çərçivəsində üzərinə götürdüyü öhdəlikləri yerinə yetirməsi planları barədə danışarkən söyləyib.
Onun sözlərinə görə, hazırda Türkiyədə bərpa olunan enerjinin payı 55% təşkil edir və bu göstəriciyə görə ölkə Avropada 5-ci, dünyada isə 12-ci yerdədir.
Xatırladaq ki, Türkiyə hökuməti daha əvvəl bərpa olunan enerji mənbələrinin, o cümlədən günəş və külək enerjisi mənbələrinin inkişafına yaxın 10 il ərzində təxminən 1 trilyon ABŞ dolları sərmayə qoymağı planlaşdırdıqlarını açıqlamışdı.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.jpg)
