Dünya

Deputatın ailəsi hücuma məruz qaldı: 10 nəfər öldü, xəsarət alanlar var

1 Dekabr 2023 07:05
Baxış: 1 061
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İraqın şərqindəki Diyala əyalətində deputatın qohumlarına hücum nəticəsində azı 10 nəfər ölüb, 14 nəfər yaralanıb.

Milli.Az report-a istinadən xəbər verir ki, bu barədə "Reuters" respublikanın hüquq-mühafizə orqanlarındakı iki mənbəyə istinadən məlumat yayıb.

Məlumata görə, hücum Diyala vilayətinin Umraniya qəsəbəsi yaxınlığında baş verib. Naməlum şəxslər yol kənarına yerləşdirilmiş iki bomba ilə adı açıqlanmayan yerli deputatın qohumlarına hücum edib, snayper də atəş açıb.

Digər mətbu orqanlar yaralananların sayının 16 nəfər olduğunu xəbər veriblər.

Hadisə baş verən ərazidə komendant saatı tətbiq edilib. Təhlükəsizlik qüvvələri hücumun mümkün səbəblərini açıqlamayıb.

Eyni zamanda, İraqın "Alsumaria" telekanalındakı mənbə Ümraniyyədə "snayper silahlarından istifadə edilən terror aktı"nın baş verdiyini bildirib. Qeyd edilir ki, hücum nəticəsində 3 nəfər ölüb, daha 5 nəfər yaralanıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.