Yakutiyada polis gününün qeyd olunması zamanı yerli polis idarəsinin rəhbərləri arasında kütləvi dava olub. Dava nəticəsində polis idarəsinin rəisi vəzifəsini icra edən şəxs komaya düşüb.
Milli.Az lent.az-a istinadən bildirir ki, dünən Rusiya Daxili İşlər İdarəsinin Lenski rayonundakı əməkdaşları bütün gecəni "Lena" kafesində keçiriblər. Səhər isə idarə rəisləri arasında dava başlayıb.
Əvvəlcə yerli OEBiPK-nın 30 yaşlı rəhbəri, kapitan Sevryuqin maddi-texniki təminat rəisi ilə, sonra isə polis idarəsinin rəisi vəzifəsini icra edən 40 yaşlı polkovnik-leytenant Nadtoçiyevlə dalaşıb. Nəticədə Nadtoçiyev üzündən bir neçə zərbə alıb.
Nadtoçiyev hazırda koma vəziyyətindədir. Hazırda Sevryuqinlə bağlı araşdırma aparılır.
Milli.Az