Dünya

"Baydenin müşaviri" saxlanıldı

30 Oktyabr 2023 08:48

Baxış: 651

VTB-də minimal faiz dərəcəsi ilə nağd kredit 10.49%-dən

Dəkkə polisi ABŞ Prezidenti Co Baydenin müşaviri olduğunu iddia edən banqladeşəsilli Merilend sakini Cahidul İslam Ərafini saxlayıb.

Milli.Az oxu.az-a istinadən bildirir ki, Ərafi şənbə günü Dəkkədə müxalifətdə olan Banqladeş Milli Partiyasının (BNP) polislə toqquşmalarla müşayiət olunan genişmiqyaslı etirazları zamanı ölkə mediasının diqqətini çəkib. Şənbə günü axşam o, BNP nümayəndəsi ilə birlikdə mətbuat konfransında iştirak edib və Baydenin məsləhətçisi olduğunu söyləyib. O, həmçinin müxalifəti əmin edib ki, ABŞ prezidenti guya onların ölkədə hakimiyyət dəyişikliyinə nail olmaq niyyətini dəstəkləyir.

ABŞ səfirliyi bildirib ki, Ərafi "ABŞ hökumətini təmsil etmir".

Bundan sonra siyasi fəal polis tərəfindən saxlanılıb.

Məlumata görə, Ərafi Banqladeşdə doğulub boya-başa çatsa da, sonradan ABŞ-yə köçüb. O, Merilenddə yaşayır və tez-tez vətəninə baş çəkir.

Milli.Az