Dünya

Məktəblərdə mobil telefonlar qadağan ediləcək?

3 Oktyabr 2023 19:17
Baxış: 1 071
VTB-də minimal faiz dərəcəsi ilə nağd kredit 9.9%-dən
#TƏHSİL #MOBİL TELEFON #MƏKTƏB #İNGİLTƏRƏ

Böyük Britaniyanın təhsil naziri Cillian Kiqan İngiltərə məktəblərində mobil telefonların qadağan olunmasını tövsiyə edib.

Milli.Az AZƏRTAC-a istinadən bildirir ki, Böyük Britaniya Təhsil Nazirliyinin dərc etdiyi kommünikeyə əsasən, bu tədbir destruktiv davranışla mübarizəyə kömək göstərəcək və məktəblilərin diqqətini təhsilə cəlb edəcək.

Mobil telefonlardan istifadənin bütün dərs günü ərzində, o cümlədən tənəffüslərdə də qadağan edilməsi təklif olunur. Əgər məktəblər bu tövsiyəyə əməl etməsələr, hökumət qadağanın məcbur edilməsi barədə qanunverici aktı müzakirəyə çıxaracaq.

Böyük Britaniya hökumətinin məlumatına görə, İngiltərədə məktəblilərin 29 faizi dərslərdə mobil telefonlardan istifadə edir.

Qeyd edək ki, smartfonların məktəblərdə istifadəsinin təhlükəsi barədə BMT-nin xəbərdarlığından sonra Fransa, İtaliya və Portuqaliyada analoji qadağalar qüvvəyə minib.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.