Dünya

Rusiyanı Avropa ilə üz-üzə qoyan SİRLİ obyekt - FOTO

25 Mart 2023 08:12
Baxış: 1 282
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Məlum olduğu kimi, 26 sentyabr 2022-ci ildə Rusiyadan Almaniyaya, oradan da Avropaya təbii qaz daşıyan "Şimal axını 1" və "Şimal axını 2" boru kəmərlərində sızmalara səbəb olan partlayışlar Rusiya ilə Avropa arasında gərginliyi pik həddə çatdırmışdı. Qərb ölkələri boru xəttinə edilən hücumun arxasında Rusiyanın olduğunu iddia etmişdi.

Moskva təxribat iddialarını qəti şəkildə rədd etmiş, Almaniya, Danimarka və İsveç 4 fərqli nöqtədə baş verən qaz sızması ilə bağlı ayrı-ayrılıqda araşdırmalara başlamışdı.

Milli.Az musavat.com-a istinadən bildirir ki,İsveç ilkin təhqiqatının nəticələrini açıqlayıb və təxribat əlamətlərinin olduğunu irəli sürüb. Danimarka Enerji İdarəsi isə "Şimal axını 2" boru kəmərinin yanında yerləşən sirli obyektin fotosunu yayımlayıb.

Qurum dənizin dibində olan, təxminən 40 sm uzunluğunda və 10 sm enində silindrin hazırda ani bir təhlükəsizlik riski yaratmadığını və sirli obyektin mühafizə vasitələrinin köməyi ilə çıxarılmasının planlaşdırıldığını bildirib. 

Açıqlamada qeyd olunub ki, xilasetmə əməliyyatı üçün boru kəməri sahibindən cavab gözləyirlər.

Boru kəmərlərinin böyük hissəsi Rusiyanın enerji nəhəngi "Qazprom"a, qalan hissəsi isə Almaniya, Hollandiya və Fransa şirkətlərinə məxsusdur.

Rusiya prezidenti Vladimir Putin də martın 15-də verdiyi açıqlamada rusiyalı mütəxəssislərin maraqlı tapıntılarla qarşılaşdıqlarını bildirib:

"Qazprom mütəxəssisləri partlayış yerindən təxminən 30 kilometr aralıda obyekt aşkar ediblər. Bu obyekt partlayışın baş verdiyi yerə yaxın yerdə yerləşir. Mütəxəssislərimiz bunun detonatoru işə salan siqnalı götürmək üçün antena ola biləcəyini düşünürlər. İddia etmirəm, amma deyirəm ki, ola bilər, boru kəmərinin altına başqa partlayıcı yerləşdirilib".

Xatırladaq ki, bu ayın əvvəlində ABŞ kəşfiyyatının məlumatında boru kəmərinin təxribatında Ukraynayönlü qrupun əli olduğu iddia edilmişdi.

Zelenskinin baş müşaviri Mixaylo Podolyak Ukrayna hökumətinin hücumda "qəti şəkildə iştirak etmədiyini" bildirmişdi.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.