Dünya

Bu, ABŞ-a ciddi zərər verəcək, Çini isə məhv edəcək

18 Mart 2023 17:48
Baxış: 1 234
VTB-də minimal faiz dərəcəsi ilə nağd kredit 9.9%-dən

Çin lideri Si Szinpin antiamerika ritorikasını gücləndirib. Öz növbəsində, Çin Rusiyaya silah ötürərsə, Vaşinqton Pekinlə iqtisadi əlaqələri hətta öz zərərinə də kəsməyə hazırdır.

Milli.Az axar.az-a istinadən bildirir ki, bu fikirləri rusiyalı politoloq və publisist Andrey Piontkovski bildirib.

O qeyd edib ki, Szinpin Səudiyyə Ərəbistanı və İranı barışdırmaqda diplomatik uğur qazana bilib, buna əvvəllər heç kim nail ola bilməyib:

"Bu barışıq antiamerika və antiisrail zəmində baş verib. Bu, illərdir Yaxın Şərqdə mövqelərini möhkəmləndirən İsrailin xarici siyasətinə çox güclü zərbədir".

Piontkovski deyib ki, ABŞ silahların Rusiyaya təhvil veriləcəyi təqdirdə Çin üçün nəticələri açıqlayıb:

"Bu yaxınlara qədər mən Rusiyaya silah tədarükü ilə bağlı suala qəti şəkildə cavab verirdim ki, Si heç vaxt buna getməyəcək. Amerikalılar açıq şəkildə bildirdilər ki, iqtisadi münasibətlərdə ən ciddi qırılmaya, hətta öz zərərlərinə belə gedəcəklər. Bunlar iqtisadi Siam əkizləridir - Çin və ABŞ. İqtisadi əlaqələrin kəsilməsi hər iki ölkəyə ağır zərbə olar. Amerikalılar hətta öz iqtisadiyyatları və istehlakçıları üçün problemə getməyə hazırdırlar, lakin bu, bütün Çin iqtisadiyyatını məhv edə bilər. Bunu gələcək günlər göstərəcək. Sual budur ki, bu baş verəcəkmi? Mən Sinin tezliklə səfərinə (Szinpinin 20 martda Rusiyaya səfər edəcəyi gözlənilir - red.) şübhə ilə yanaşıram. Amma belə bir antiamerika cərəyanının güclənməsi onun şəxsi imzasıdır".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.