Dünya

Ana sevgilisi ilə əylənməyə mane olan qızını yaraladı: Uşaq başında qayçı ilə xəstəxanaya yerləşdirildi - FOTO

25 Fevral 2023 08:18
Baxış: 1 638
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Belarusun Soliqorsk şəhərində sərxoş qadın mətbəx qayçısını uşağına ataraq ona xəsarət yetirib.

Milli.Az oxu.az-a istinadən xəbər verir ki, bu barədə Belarus Respublikasının İstintaq Komitəsi xəbər yayıb.

12 yaşlı uşaq kəllə sümüyünə batan qayçı ilə xəstəxanaya yerləşdirilib. Qızın dediyinə görə, o, "yıxılıb". Həkimlər tərəddüd etmədən baş verənləri araşdırmaq üçün polisə müraciət ediblər.

Polis əməkdaşları hadisə baş verən evə gediblər və xəsarət alan qızın kiçik bacısı baş verənləri polislərə danışıb.

Uşağın dediyinə görə, anası sevgilisi ilə spirtli içki qəbul edərkən üç uşağın səs-küyü onları narahat edib və qadın onların üstünə qışqırıb, daha sonra isə əsəbləşərək mətbəx qayçısını böyük qızının üstünə atıb. Qıza kəllə sınığı diaqnozu qoyulub.

Cinayəti törədən anası həbs edilib. Qadın cəzadan yayınmaq üçün qızı baş verənlərlə bağlı yalan danışmağa məcbur etdiyini etiraf edib. İndi Soliqorsk sakininə qarşı cinayət işi başlanıb və hər üç uşaq ailədən alınıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.