Dünya

Qızını öldürüb 5 il gizləndi

16 Yanvar 2023 21:34

Baxış: 839

VTB-də minimal faiz dərəcəsi ilə nağd kredit 10.49%-dən

#RUSİYA #CİNAYƏT

Rusiyada, Qaraçay-Çərkəzdə polis əməkdaşları yeni doğulmuş qızının qətlindən sonra 5 ildir Krasnodar diyarında gizlənən qadının izinə düşüblər.

Milli.Az bildirir ki, bu barədə Daxili İşlər Nazirliyinin Telegram-kanalında məlumat verilib.

Qaraçay-Çərkəzdə öldürülən qızın anası DNT sayəsində tapılıb. 2017-ci ildə körpənin cəsədi Böyük Stavropol kanalının sel yatağının sahilində tapılıb. Hüquq-mühafizə orqanlarının əməkdaşları cinayət yerində DNT aşkar edərək, beş il ərzində müxtəlif müayinələr aparıblar. 2022-ci ildə polis öldürülən qızın atasını Altay diyarında tapıb.

Səlahiyyətlilərin bildirdiyinə görə, kişinin hadisədən xəbəri olmayıb. Daha sonra 29 yaşlı Ust-Cequt sakini saxlanılıb. DNT testi onun öldürülən körpənin anası olduğunu təsdiqləyib.

Şöbədən verilən məlumata görə, hamiləlikdən xəbər tutan qız klinikada qeydiyyatdan keçməmək qərarına gəlib və maddi vəziyyəti ağır olduğundan qızı öldürüb. Hadisədən sonra o, beş il Krasnodar diyarında gizlənib.

Qadın barəsində cinayət işi başlanıb, hazırda iş məhkəməyə verilir.

İrfan Vəliyev
Milli.Az