Dünya

3 kürdün qətlində şübhəli bilinən şəxs danışdı: "Nifrət edirəm"

25 Dekabr 2022 22:02

Baxış: 953

VTB-də minimal faiz dərəcəsi ilə nağd kredit 10.49%-dən

#FRANSA

Parisdə 3 kürdün qətli ilə bağlı həbs edilən şübhəli müstəntiqlərə xaricilərə nifrət etdiyini deyib.

Milli.Az musavat.com-a istinadən bildirir ki,bu barədə Paris prokurorluğu məlumat yayıb.

Xatırladaq ki, bu həftənin cümə günü Parisin 10-cu rayonunda kürd mədəniyyət mərkəzində və yaxınlıqdakı kürd kafesində iki kişi və bir qadını güllələyərək öldürən 69 yaşlı kişi həbs edilib.

Prokuror Laura Bekko açıqlamasında şübhəlinin dindirmə zamanı 2016-cı ildə evində oğurluq baş verdiyini və həmin hadisənin əcnəbilərə qarşı tamamilə patoloji nifrətə səbəb olduğunu bildirib.

Prokurorun sözlərinə görə, həmin şəxs terror aktından sonra özünü depressiyada və intihara meyilli biri kimi qələmə verib. Şübhəlinin dindirilməsi tibbi səbəblərə görə dayandırılıb və o, hazırda psixiatriya palatasında qalır. Onun bir il əvvəl Parisdəki miqrant düşərgəsinə qılıncla hücum etdiyi də məlum olub.

Fransada yaşayan kürd dərnəkləri cümə günü baş verən atışmanın terror aktı kimi tanınmasına çağırıblar.

Atışma zamanı yaralanan 3 nəfərdən ikisi xəstəxanadadır, onların həyatları üçün təhlükə yoxdur.

Milli.Az