Dünya

Şotlandiyada bu halda müstəqillik referendumu keçirilə bilər

28 Noyabr 2022 23:50

Baxış: 760

VTB-də minimal faiz dərəcəsi ilə nağd kredit 9.9%-dən

Şotlandiyanın dövlət katibi Alister Cek Şotlandiya və Britaniya hakimiyyət orqanları, eləcə də vətəndaş cəmiyyəti arasında razılıq əldə olunarsa, ölkənin müstəqilliyi ilə bağlı mümkün ikinci referendumun keçiriləcəyini açıqlayıb.

Milli.Az xəbər verir ki, bu barədə "The Telegraph" qəzeti yazır.

Cekin sözlərinə görə, hələlik belə bir konsensus yoxdur, çünki şotlandlar növbəti referendum istəmirlər, əksinə hökumətin diqqətini aktual problemlərin həllinə yönəltməsini istəyirlər. Amma bütün tərəflərlə razılıq əldə olunarsa, gələcəkdə referendum keçirilə bilər.

Eyni zamanda rəsmi şəxs xatırladıb ki, Şotlandiya ilə Britaniya arasında birlik könüllüdür və buna 2014-cü ildə keçirilmiş referendum sübutdur. Sonra hər iki hökumət, eləcə də, demək olar ki, bütün siyasi partiyalar konsensusa gələ bildilər.

Qeyd edək ki, noyabrın 23-də Britaniya Ali Məhkəməsi Şotlandiyaya ölkənin müstəqilliyi ilə bağlı referendum keçirməyi qadağan edib. (publika)

Milli.Az