Dünya

Putin və Zelenski danışıqlar üçün bu şəhərə dəvət edildi

28 Oktyabr 2022 08:29

Baxış: 1 990

VTB-də minimal faiz dərəcəsi ilə nağd kredit 10.49%-dən

#UKRAYNA #VLADİMİR PUTİN

ABŞ Konqresinin Nümayəndələr Palatasının üzvü Pol Qozar Rusiya Prezidenti Vladimir Putin və Ukrayna Prezidenti Volodimir Zelenskini sülh danışıqları aparmaq üçün Arizonaya dəvət edib.

Milli.Az "qafqazinfo"ya istinadən xəbər verir ki, o, Rusiya və Ukraynanın Vaşinqtondakı səfirliklərinə göndərilən müvafiq məktubu tviterdə dərc edib.

Qozar müraciətində onları Feniks şəhərinə gəlməyə dəvət edib.

"Mən diplomat deyiləm. Mən sadəcə olaraq Konqresin üzvüyəm, lakin sizin ölkələrinizdə kifayət qədər ölüm və dağıntılar görmüşəm. Bu, qəbuledilməzdir. Sülh yolu ilə həll cəhdlərinin olmamasına görə inciklikdən öz başıma hərəkət etmək ehtiyacı hissinə keçdim. Əgər bizim siyasətimizdə və ya silahlı qüvvələrimizdə bu müharibəni ağlasığmaz qlobal ölüm və dağıntılar olmadan başa çatdırmağa çalışacaq bir lider yoxdursa, mən bunu etməliyəm" - P.Qozar bildirib.

Milli.Az