Dünya

Tonoyan həbsdə qaldı

28 Sentyabr 2022 23:14
Baxış: 774

Ermənistanın Korrupsiyaya Qarşı Mübarizə Məhkəməsi sabiq müdafiə naziri David Tonoyanı həbsdən azad etməkdən növbəti dəfə imtina edib.

Milli.Az "qafqazinfo"ya istinadən xəbər verir ki, bu məlumatı onun vəkili Sergey Ovannisyan təsdiqləyib.

Hələ sentyabrın 26-da müdafiə tərəfi həbs qətimkan tədbirinin dəyişdirilməsi üçün Tonoyanın şəxsi mənzilini girov kimi qoymağı təklif edib.

"Məhkəmə Tonoyanın müdafiə naziri olduğunu və azadlıqda olarkən öz təsirindən və əlaqələrindən şahidlərə və istintaq prosesinə təsir etmək üçün istifadə edə biləcəyini əsas gətirərək vəsatətimizi rədd etdi", - deyə Ovannisyan bildirib.

Müdafiə tərəfi cavab olaraq apellyasiya şikayəti hazırlayır. Vəkilin sözlərinə görə, yaxın vaxtlarda Apellyasiya Məhkəməsinə təqdim olunacaq.

Xatırladaq ki, keçmiş müdafiə naziri sursat təchizatında sui-istifadədə ittiham olunur. İstintaq onu yararsız təyyarə raketlərinin alınmasında və 4,6 milyon dollar mənimsəməkdə ittiham edir.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics