Ölkə

Bəzi ixtisaslarda bakalavriat təhsili 3 il ola bilər - Nazir

14 Sentyabr 2026 18:15

Baxış: 172

VTB-də minimal faiz dərəcəsi ilə nağd kredit 9.9%-dən

#TƏHSİL

Bakalavriat səviyyəsi üzrə bəzi ixtisaslarda 3 illik təhsil mümkündür. Amma orta məktəblərdə 12 illik təhsilə keçid nəzərdə tutulmur.

Milli.Az Trend-ə istinadən xəbər verir ki, bu barədə elm və təhsil naziri Emin Əmrullayev yeni dərs ili ilə bağlı mətbuat konfransında çıxışı zamanı deyib.

E. Əmrullayev qeyd edib ki, təhsilalanların yaşı da nəzərə alınmalıdır.

"Məsələn turizimin təşkili ixtisasını bəlkədə 3 il oxumaq olar. Amma hüquq kimi ixtisasda düşünmək lazımdır. Mənə görə, mühəndis hazırlamaq kifayət qədər çətindir.

Biz Bolonya sisteminə keçiddə ixtisasları eyni qəlibə yığmağa çalışmışıq. İndidə bəzi ixtisaslar 5 il, bəzisi 4 ildir. Bu peşənin mahiyyətindən aslıdır", - deyə nazir bildirib.

E. Əmrullayev əlavə edib ki, ixtisasların müddəti müzakirə edilməlidir.

"Bu zaman qoşulduğumuz beynəlxalq sənədləri nəzərə almalıyıq".

Müəllif: Ülkər Vəliyeva (Milli.Az redaktor)