Dünya

Skuter sürən uşaqlardan qəzəblənən kişi atəş açıb - VİDEO

30 İyun 2022 20:00
0 Şərh     Baxış: 468

Skuter sürən uşaqlardan qəzəblənən Kalininqrad şəhərinin sərxoş sakini yaşayış binasının həyətində atəş açıb.

Milli.Az bildirir ki, bu barədə regional Daxili İşlər Nazirliyinin saytında məlumat verilib.

Agentliyin yaydığı kadrlarda bir kişinin evin həyətində havaya iki atəş açdığı görünür.

Hadisənin şahidi olan uşaqlardan birinin anası polisə müraciət edib. Müşahidə kameralarının qeydləri öyrənildikdən sonra əvvəllər məhkum olunmuş 51 yaşlı yerli sakin saxlanılıb. Qəzəbli rusiyalının silah kimi aerozol tapançadan istifadə etdiyi müəyyən edilib.

Saxlanılan şəxsin mənzilinə baxış zamanı cinayət aləti ilə yanaşı, bir qutu barıt, həmçinin 22 səs və siqnal patronu aşkar edilib.

Müstəntiqlər faktla bağlı Rusiya Cinayət Məcəlləsinin 213-cü maddəsinin 2-ci hissəsi ("Silahdan istifadə etməklə xuliqanlıq") ilə iş açıb. Adamı 7 ilə qədər həbs cəzası gözləyir.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics