Saçları sürətlə gurlaşdıran çərəz: Hər gün bir ovuc yeyin

Güzgüdə seyrəkləşən saç dibləri bir çox insan üçün narahatedici problemdir. Bu vəziyyətlə üzləşən gənc sosial media istifadəçisi - "Deni" adı ilə tanınan kontent yaradıcısı - iki il ərzində əldə etdiyi diqqətçəkici saç dəyişimini izləyiciləri ilə bölüşüb. Onun nəticələrini görənlər heyrətlərini gizlədə bilməyib.

Milli.Az xəbər verir ki, Deni bahalı saç məhsullarına və ya "möcüzə" vəd edən formulalara yönəlmək əvəzinə, hər kəsin asanlıqla tətbiq edə biləcəyi, qənaətcil üsulları seçib. Paylaşımları qısa zamanda geniş maraq qazanıb.

Saçlarının əvvəllər çox incə telli və həcmsiz olduğunu deyən Deni hər daramada ovuclu saç töküldüyünü bildirir. Çarə axtaran gənc qadın ilk böyük fərqi qidalanma vərdişlərini dəyişdirdikdə görüb.

O, hər gün bir ovuc balqabaq tumu yeməyə başlayıb. Bu sadə addım saç köklərini gücləndirib və tökülməni azaldıb. Mütəxəssislər də balqabaq tumunun tərkibindəki sink və faydalı yağ turşularının saç tellərini möhkəmləndirdiyini təsdiqləyir. Daimi qəbul saçın daha qalın, sağlam və davamlı görünməsinə kömək edir.

Deninin saç rutinində izləyicilərin ən çox maraqlandığı məqamlardan biri duş vərdişləri olub. O, saçlarını yumaqdan əvvəl mütləq quru şəkildə daradığını deyir. Bu üsul saç tellərinin suya məruz qalarkən daha az zədələnməsinə yardım edir. Duşdan sonra daraqda toplanan saçın azaldığı da bunun təsirli olduğunu göstərir.

Onun tətbiq etdiyi başqa bir vacib qayda isə şampun istifadəsi ilə bağlıdır. Deni şampunu yalnız saç diblərinə çəkir, saç uclarına isə şampun suyun təbii axışı ilə çatır. Bu texnika saç uclarının qurumasının, matlaşmasının qarşısını alır və saçların daha parlaq görünməsinə şərait yaradır.

Deni-nin diqqət çəkdiyi digər detallar isə saç kremi ilə bağlıdır. O, saç tam islaq olanda kremin təsirinin azaldığını görüb. Buna görə də əvvəlcə saçdakı artıq suyu sıxır, sonra krem tətbiq edir. Bu üsulun saç uclarının məhsulu daha yaxşı hopdurmasına və qidalanmasına kömək etdiyini bildirir.

Lalə Qüdrətova
Milli.Az